Embedded Files
ಡೆಂಗ್ಯೂಜ್ಚರವನ್ನು ನಿಯಂತ್ರಿಸಲು ನೀವು ಹಾಗೂ ನಿಮ್ಮ ಸ್ನೇಹಿತರೆಲ್ಲರೂ ವಿಜ್ಞಾನಿಗಳೊಂದಿಗೆ ಕೂಡಿಕೊಂಡರೆ ಹೇಗೆ!
ವಿಜ್ಞಾನಿಗಳು ಮಾತ್ರವಲ್ಲದೇ, ಪ್ರತಿಯೊಬ್ಬರೂ ದತ್ತಾಂಶಗಳನ್ನು ಸಂಗ್ರಹಿಸಿ ನೀಡುವ ಮೂಲಕ ಸಮಸ್ಯೆಯನ್ನು ಬಗೆಹರಿಸಲು ಕೊಡುಗೆ ನೀಡಬಹುದು. ಅದು ವಿಶೇಷವಾಗಿ, ಡೆಂಗ್ಯೂವನ್ನು ಹರಡುವ ಅಂಶಗಳನ್ನು ಪತ್ತೆಮಾಡಲು ಅನುಕೂಲವಾಗುತ್ತದೆ. ವಿಜ್ಞಾನಿಗಳಿಗೆ ನಗರದ ಮೂಲೆಮೂಲೆಯನ್ನೂ ಪರಿಶೀಲಿಸಲು ಸಾಧ್ಯವಿಲ್ಲ, ಆದರೆ, ನಾಗರಿಕ ವಿಜ್ಞಾನ ಎನ್ನುವ ಪರಿಕಲ್ಪನೆಯಿಂದ ಪ್ರತಿಯೊಬ್ಬರೂ ಸೊಳ್ಳೆಗಳು ವೃದ್ದಿಯಾಗಬಲ್ಲ, ಹಳೆಯ ಟಯರುಗಳು ಅಥವಾ ಕಟ್ಟಿಕೊಂಡಿರುವ ಚರಂಡಿಗಳಂತಹ ಜಾಗಗಳತ್ತ ಗಮನವಿಡಬಹುದು. ನೀವು ಅಂತಹ ಜಾಗಗಳ ಬಗ್ಗೆ ಮಾಹಿತಿ ನೀಡಿದಾಗ, ನಾವು ಸೊಳ್ಳೆಗಳ ನಿಯಂತ್ರಣಕ್ಕೆ ಕ್ರಮ ತೆಗೆದುಕೊಳ್ಳಲು ನೆರವಾಗುತ್ತದೆ ಹಾಗೂ ಆ ಮೂಲಕ ನಮ್ಮ ಸಮುದಾಯಗಳನ್ನು ಆರೋಗ್ಯಕರವಾಗಿರಿಸಬಹುದು. ನಾಗರಿಕ ವಿಜ್ಞಾನವು, “ಸಾರ್ವಜನಿಕರು ಕೈಗೆತ್ತುಕೊಂಡಿರುವ, ವೃತ್ತಿಪರ ವಿಜ್ಞಾನಿಗಳು ಮತ್ತು ವೈಜ್ಞಾನಿಕ ಸಂಸ್ಥೆಗಳ ಮಾರ್ಗದರ್ಶನದಡಿಯಲ್ಲಿ ಅಥವಾ ಇವರುಗಳ ಸಹಯೋಗದೊಂದಿಗೆ ನಡೆಯುತ್ತಿರುವ ವೈಜ್ಞಾನಿಕ ಕಾರ್ಯವಾಗಿದೆ” (ಆಕ್ಸ್ಫರ್ಡ್‌ ಇಂಗ್ಲೀಷ್‌ ಶಬ್ದಕೋಶ 2016). ಈ ಯೋಜನೆಯು, ರೋಗಪರಿವೀಕ್ಷಣೆಗೆ ಸಂಬಂಧಿಸಿದ ಕೆಲವು ಸವಾಲುಗಳನ್ನು ನಿರ್ವಹಿಸಲು ಉತ್ತಮ ಪರಿಹಾರಗಳನ್ನು ಸೂಚಿಸುತ್ತದೆ. ನಾಗರಿಕ ವಿಜ್ಞಾನ ಯೋಜನೆಯ ಮೂಲಕ, ನಿಮ್ಮಂತಹ ಜನಸಾಮಾನ್ಯರೂ, ವೈಜ್ಞಾನಿಕ ಸಂಶೋಧನೆಗಳು ಹಾಗೂ ದತ್ತಾಂಶಗಳ ಸಂಗ್ರಹಣೆಯಲ್ಲಿ ಕೊಡುಗೆ ನೀಡಬಹುದಾಗಿದೆ.
ಡೆಂಗ್ಯೂ ಸಂದರ್ಭದಲ್ಲಿ, ನಾಗರಿಕ ವಿಜ್ಞಾನವನ್ನು ಒಂದು ಸಾಧನವನ್ನಾಗಿ ಬಳಸುವುದು ಈ ಕಾರಣಗಳಿಗೆ ಮುಖ್ಯವೆನಿಸುತ್ತದೆ:
ಹೈಪರ್ಲೋಕಲ್‌ ಡಾಟಾ
ಡೆಂಗ್ಯೂ ಅಪಾಯಗಳು ಬೆಂಗಳೂರಿನಾದ್ಯಂತ ಸ್ಥಳೀಯ ಉಷ್ಣಾಂಶ, ಮೂಲಸೌಕರ್ಯಗಳು ಮತ್ತು ನಿಂತನೀರಿನ ಮೂಲಗಳು ಇಂತಹ ಅಂಶಗಳನ್ನಾಧರಿಸಿ ವ್ಯತ್ಯಾಸವಾಗುತ್ತದೆ. ನಾಗರಿಕ ವಿಜ್ಞಾನ ಅಪ್ಲಿಕೇಶನ್ಗಳು (Apps) ಅಥವಾ ಸಮೀಕ್ಷೆಗಳು, ಸ್ಥಳೀಕರಿಸಿದ ಮಟ್ಟದ ದತ್ತಾಂಶಗಳನ್ನು ಸಂಗ್ರಹಿಸಲು ನೆರವಾಗಬಲ್ಲವು. ಸಾಂಪ್ರದಾಯಿಕ ವಿಧಾನಗಳಲ್ಲಿ ಲಭ್ಯವಾಗದ ಈ ದತ್ತಾಂಶವು, ಉದ್ದೇಶಿತ ನಿಯಂತ್ರಣಾ ಯೋಜನೆಗಳಿಗೆ ಅತ್ಯಮೂಲ್ಯವಾಗಿದೆ.
ಹೆಚ್ಚಿನ ಅರಿವು
ನಾಗರಿಕ ವಿಜ್ಞಾನ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದರಿಂದ, ಡೆಂಗ್ಯೂ ಪ್ರಸರಣ, ಸಾರ್ವಜನಿಕ ಆರೋಗ್ಯ ಮತ್ತು ಪರಿಸರಸಂಬಂಧಿ ಸಮಸ್ಯೆಗಳ ಬಗ್ಗೆ ತಿಳುವಳಿಕೆ ಹೆಚ್ಚುತ್ತದೆ. ಈ ಜ್ಞಾನವು ಸಮುದಾಯದವರ ಅರಿವನ್ನು ಹೆಚ್ಚಿಸಿ, ನಮ್ಮ ನಗರವನ್ನು ಆರೋಗ್ಯವಾಗಿಟ್ಟುಕೊಳ್ಳಲು ಅವಶ್ಯವಿರುವ ಉತ್ತಮ ಅಭ್ಯಾಸಗಳನ್ನು ಅನುಸರಿಸುವಂತೆ ಮಾಡುತ್ತದೆ.
ಸಬಲೀಕರಣ ಮತ್ತು ಕ್ರಮ
ನಾಗರಿಕ ವಿಜ್ಞಾನವು ಸಂಸ್ಥೆ ಮತ್ತು ಅದರ ಜವಾಬ್ದಾರಿಯನ್ನು ಪೋಷಿಸುತ್ತದೆ. ನಾಗರಿಕರು ಕೇವಲ ವೀಕ್ಷಕರಲ್ಲ, ಅವರವರ ಸಮುದಾಯಗಳನ್ನು ರಕ್ಷಿಸುವುದರಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವವರೂ ಹೌದು. ಇದು ಸಂಭವನೀಯ ಆರೋಗ್ಯ ಸಮಸ್ಯೆಗಳನ್ನು ವರದಿ ಮಾಡಿ, ಈ ಬಗ್ಗೆ ಇತರರಿಗೂ ಅರಿವು ಮೂಡಿಸುವ ಕ್ರಮ ತೆಗೆದುಕೊಳ್ಳಲು ಅವರನ್ನು ಸಬಲೀಕರಿಸುತ್ತದೆ.
ದೊಡ್ಡಮಟ್ಟದ ಪ್ರಭಾವ
ಬೆಂಗಳೂರಿನಾದ್ಯಂತ ಸಾವಿರಾರು ನಾಗರಿಕರು ನಾಗರಿಕ ವಿಜ್ಞಾನದಲ್ಲಿ ಭಾಗವಹಿಸುವುದನ್ನು ಒಮ್ಮೆ ಊಹಿಸಿಕೊಳ್ಳಿ! ಈ ಸಾಮೂಹಿಕ ಪ್ರಯತ್ನವು, ನಗರದಾದ್ಯಂತ, ಆರೋಗ್ಯ ಸಮಸ್ಯೆಗಳ ಸಮಗ್ರ ಚಿತ್ರಣವನ್ನು ಒದಗಿಸುವ, ದೊಡ್ಡಮಟ್ಟದ ಅತ್ಯಮೂಲ್ಯ ದತ್ತಾಂಶವನ್ನು ನೀಡುತ್ತದೆ.
ಪ್ರಾರಂಭಿಸಲು ಕಲಿಕಾ ಮಾದರಿಗಳನ್ನು ಓದಿರಿ ಮತ್ತು ವಿವರಣಾತ್ಮಕ ವೀಡಿಯೋವನ್ನು ನೋಡಿರಿ.
ಈ ವಾರದ ನಾಗರಿಕ ವಿಜ್ಞಾನಿಗಳಲ್ಲಿ ಮೊದಲಿಗರು
ನಮ್ಮೆಲ್ಲರ ಸುಸ್ಥಿತಿಗೆ ಮನುಷ್ಯರ ಆರೋಗ್ಯವಷ್ಟೇ ಅಲ್ಲದೇ, ಪ್ರಾಣಿಗಳು ಮತ್ತು ಪರಿಸರದ ಸ್ವಾಸ್ತ್ಯವೂ ಮುಖ್ಯ ಮತ್ತು ಅವು ಪರಸ್ಪರ ಅವಲಂಬಿತವಾಗಿದೆ ಎಂದು ನಾವು ಒಪ್ಪಿಕೊಳ್ಳುತ್ತೇವೆ.
Report abuse